ایف جی پبلک سکول نمبر2طارق آباد چکلالہ ریجن میں اول نمبرپررہا

راولپنڈی (نیوزرپورٹر) فیڈرل گورنمنٹ ایجوکیشنل انسٹی ٹیوشنز کینٹ گیریژن چکلالہ ریجن کے زیراہتمام منعقدہ انٹرسکولزسپورٹس ٹورنامنٹ برائے طلباءاختتام پذیرہوگیا۔ ایف جی پبلک سکول نمبر1طارق آباد میں منعقدہ تقریب تقسیم انعامات میں ڈپٹی ڈائریکٹرچکلالہ ریجن کرنل سعادت اللہ مہمان خصوصی تھے ۔ ایف جی پبلک سکول نمبر2طارق آباد چکلالہ ریجن بھرکے تمام سکولوں میں اول نمبرپررہاجبکہ اسی سکول کا طالبعلم سیف اللہ احسان علی بہترین کھلاڑی قرارپایا۔انٹرسکولزسپورٹس ویک کے دوران سپورٹس میںہاکی،کرکٹ،باسکٹ بال،فٹبال،ٹیبل ٹینس،والی بال اورنیٹ بال جبکہ اتھلیٹکس میںلانگ جمپ،ہائی جمپ، 100میٹر،200میٹر،400میٹر،800میٹراور ریلے ریس کے ایو نٹس کرائے گئے ۔انٹرسکولزمقابلہ جات میں کامیاب ہونے والے ادارے،طلبا ڈائریکٹوریٹ کی سطح پرمنعقد ہونے والے انٹرریجنل ایونٹس میں حصہ لیں گے۔