امریکہ: شکاگو میں مسلح شخص کی فائرنگ، 4 افراد ہلاک، ملزم گرفتار

شکاگو (اے پی پی)امریکی شہر شکاگو میں ایک شخص نے اپنے اپارٹمنٹ میں اسی عمارت میں رہنے والے اپنے چار ہمسایوں کو گولی مار کر ہلاک کر دیا۔ پولیس کے مطابق ملزم کو حراست میں لے لیا گیا ہے۔ حکام کا کہنا ہے پولیس نے جائے وقوعہ سے ہتھیار بھی برآمد کر لیا ہے۔ شکاگو کے میئر نے اس واقعے کے بعد اپنے ایک ٹویٹر پیغام میں کہا کہ وہ ذہنی مسائل کے شکار افراد کی ہتھیاروں تک رسائی روکنے کے لیے اقدامات کرتے رہیں گے۔