مصطفیٰ آباداور منڈی شاہ جیونہ میں ٹریفک حادثات ، 3 افراد جاں بحق

مصطفی آباد،للیانی، منڈی شاہ جیونہ(نامہ نگار) تیز رفتار پک اپ سڑک کنارے کھڑے ٹرالے سے ٹکرا گئی، دو افراد موقع پر جاں بحق ہوگئے، چارہ سے لدا ٹرالہ ٹائر پنکچر ہونے کی وجہ سے سٹرک کنارے کھڑا تھا۔ چار ے سے لدا ٹریکٹر ٹرالہ ٹائر پنکچر ہونے کی وجہ سے فیروز پور روڈکے کنارے پر کھڑا کر دیا گیا تھا کہ قصور سے لاہور جانے والی پک اپ تیز رفتاری کے سبب ٹکرا گئی، ڈرائیور شہزاد اور اس کا ساتھی شرافت موقع پر ہی جاں بحق ہو گئے، دونوں افراد کا تعلق کنگن پور قصور سے تھا۔ دریں اثناء منڈی شاہ جیونہ سے نامہ نگار کے مطابق نواحی علاقہ کوٹ عیسیٰ شاہ کا محمد ممتاز جو اکڑیانوالہ سے موٹرسائیکل پر اپنے گھر جارہا تھا، جھنگ سے سرگودھا جانے والی ڈائیوو بس نے اس کو کچل دیا جس کے نتیجہ میں موقع پر ہی جاں بحق ہوگیا۔ لواحقین اور اہل علاقہ نے نعش روڈ پر رکھ کر ٹریفک بند کردی اور احتجاج کیا، بس ڈرائیور موقع سے فرار ہوگیا۔