پاکستان کے بہت سے اداکار آج کل امریکا میں سیر سپاٹوں میں مصروف ہیں۔اداکاروں نے ہیوسٹن میں ایک ایوارڈ شو کی تقریب میں شرکت کی جس کے بعد وہاں کچھ دن سیروتفریح کیلئے رک گئے۔اداکار یاسر حسین نے اپنی منگیتر اداکارہ اقرا عزیز کے ساتھ ڈزنی ورلڈ کی سیر کی۔ اداکار منیب بٹ، اداکارہ مومل شیخ اور زاہد احمد ہالی ووڈ واک آف فیم گئے۔ان کے ساتھ شہزاد شیخ اور کبریٰ خان بھی تھے۔ شہزاد شیخ، ماورا حسین، یمنی زیدی اور دوسرے کئی اداکاروں نے اپنی مصروفیات کی تصاویر سوشل میڈیا پر شیئر کی ہیں۔