پنوعاقل کے قریب مال گاڑی کو حادثہ ،چاربوگیاں پٹری سے اتر گئیں

سکھر (نامہ نگار) پنوعاقل کے قریب مال گاڑی کو حادثہ ،چاربوگیاں پٹری سے اتر گئیں ،اپ اور ڈاؤن ریلوے ٹریک بلاک ،ٹرینوں کی آمدورفت معطل ہوگئی تفصیلات کے مطابق پنوعاقل کے قریب مھیسرو ریلوے اسٹیشن کے مقام پر کراچی سے پنجاب جانے والی مال گاڑی کی چار بو گیاں اچانک پٹری سے اتر گئیں جس کی وجہ سے اپ اور ڈاؤن ریلوے ٹریک بلاک ہوگیا اور ٹرینوں کی آمدورفت معطل ہوگئی حادثے کی اطلاع پر کراچی سے پنجاب اور پنجاب سے کراچی جانے والی متعدد ٹرینوں کو مختلف اسٹیشنوں پر روک لیا گیا حادثے کی اطلاع پر ریلوے کی امدادی ٹیمیں جائے حادثہ پر پہنچ گئیں اور انہوں نیامدادی کاروائیاں شروع کردی ہیں جبکہ بوگیوں کو اٹھانے کے لیے روہڑی لوکو شیڈ سے امدادی ٹرین بھی جائے حادثہ پر روانہ کردی گئی ہے ریلوے ذرائع کے مطابق حادثہ کانٹے کی خرابی کے باعث پیش آیا تاہم حادثے کے باعث ریلوے ٹریک کو شدید نقصان پہنچا ہے۔