لاہور (نمائندہ  خصوصی) موٹروے زیادتی کیس کے ملزم عابد ملہی کے والد نے ویڈیو بیان میں کہا ہے کہ میرے بیٹے نے خود گرفتاری دی باپ اکبر علی کے دعویٰ کیا کہ عابد ملہی نے گھر آنے کی خواہش ظاہر کی عابد علی شام ساڑھے 6 بجے گھر مانگا منڈی آیا، عابد کے گھر آنے پر پولیس کو اطلاع کی اور مقامی شہری خالد بٹ کی موجودگی میں پولیس کے حوالے کیا گیا۔ عابد ملہی کو خالد بٹ کی گاڑی میں سی آئی اے بھجوایا۔ عابد اب گرفتار ہو چکا ہے۔ ہماری خواتین کو بھی رہا کیا جائے۔ آئی جی پنجاب نے ملزم عابد ملہی کو پولیس کی جانب سے گرفتار کرنے کا دعویٰ کیا تھا۔