کوئٹہ: وزیراعلیٰ بلوچستان جام کمال کی طبیعت بہتر ہے۔ یہ بات بلوچستان حکومت کے ترجمان لیاقت شاہوانی نے بتائی ہے۔
لیاقت شاہوانی کا کہنا ہے کہ وزیراعلیٰ بلوچستان جام کمال نے ہمیشہ ایس او پیز کا خیال رکھا ہے۔
انہوں نے کہا کہ عالمی وبا قرار دیے جانے والے کورونا وائرس کے خلاف وزیراعلیٰ بلوچستان نے اہم جنگ لڑی ہے۔
ترجمان بلوچستان حکومت لیاقت شاہوانی نے کہا ہے کہ بلوچستان کو کورونا سے بچانے کے لیے وزیراعلیٰ جام کمال نے دن رات محںت بھی کی ہے۔لیاقت شاہوانی نے کہا ہے کہ وزیراعلیٰ نے ملاقات کے دوران ہمیشہ سماجی فاصلوں کا خیال رکھا ہے۔
ترجمان بلوچستان حکومت لیاقت شاہوانی نے کہا ہے کہ وزیراعلیٰ بلوچستان کی جلد صحت یابی کے لیے دعا گو ہیں۔
وزیراعلیٰ بلوچستان جام کمال نے گزشتہ روز سماجی رابطے کی ویب سائٹ ’ٹوئٹر‘ پر جاری کردہ پیغام میں اس بات کی تصدیق کی تھی کہ ان کا کورونا ٹیسٹ مثبت آگیا ہے جس کے بعد انہوں نے قرنطینہ کرلیا ہے۔
