ہر نیا دن پی ٹی آئیی حکومت کی نا اہلی کا ثبوت پیش کرتا ہے: شہباز شریف

لاہور (خصوصی رپورٹر) قومی اسمبلی میں اپوزیشن لیڈر اور مسلم لیگ (ن) کے صدر شہباز شریف کا کہنا ہے کہ ہر نیا دن پی ٹی آئی حکومت کی نااہلی کا ثبوت پیش کرتا ہے۔ سماجی رابطے کی ویب سائٹ ٹوئٹر پر اپنی ٹویٹ میں پارلیمنٹ میں قائد حزب اختلاف شہباز شریف کا کہنا تھا کہ ہر نیا دن حکومت کی نااہلی کا ثبوت پیش کرتا ہے۔ پی ٹی آئی حکومت قومی معاملات کے انتظامی امور میں بھی نااہل ثابت ہوئی۔ ملکی بدترین معیشت، ناقص حکمرانی، روپیہ کا گرنا اور عدم استحکام حکومت کی نااہلی کی واضح مثالیں ہیں۔