فٹبال ورلڈکپ کوالیفائر‘ رونالڈو کی ہیٹ ٹرک‘پرتگال نے لکسمبرگ کو ہرا دیا 

لاہور(سپورٹس ڈیسک )ورلڈ کپ فٹبال کوالیفائر میچ میں کرسٹیانو رونالڈو نے لکسمبرگ کیخلاف شاندار ہیٹ ٹرک کر دی ۔گروپ اے میں پرتگال نے لکسمبرگ کے خلاف پانچ صفر سے کامیابی حاصل کی جس میں کرسٹیانو رونالڈ نے ہیٹ ٹرک کی۔دوسرے میچ میں انگلینڈ اور ہنگری کا مقابلہ ایک ایک سے برابر رہا۔ انگلینڈ کو ڈائریکٹ کوالیفائی کرنے کیلئے کم از کم 4 پوائنٹس درکار ہیں جبکہ اس کے دو میچز باقی رہتے ہیں۔ورلڈ کپ کوالیفائر کے گروپ آئی میں ہنگری نے 24 ویں منٹ میں برتری حاصل کی جبکہ 37 ویں منٹ میں انگلینڈ کی جانب سے سٹونس نے گول برابر کردیا۔، لیکن دوسرے ہاف میں دونوں ٹیمیں کوئی گول نہ کرسکیں یوں میچ ایک ایک سے برابر ہوگیا۔