لاہور (نامہ نگار) شہر  کے مختلف علاقوں میں ڈاکوئوں اور چوروں نے وارداتوں کے دوران متعدد شہریوں سے لاکھوں روپے، طلائی زیورات، موبائل فون، گاڑیا ں، موٹر سائیکلیں اور دیگر سامان لوٹ لیا جبکہ ڈکیتی مزاحمت پر فائرنگ کر کے دکاندار کو زخمی کر دیا۔ مانگا منڈی میں دو  ڈاکوؤں نے عبدالرحیم کو دکان میں گھس کر ہزاروں روپے  لوٹ  لئے  جبکہ مزاحمت کرنے پر فائرنگ کر کے عبدالرحیم کو شدید زخمی کر دیا۔  ڈاکوؤں نے مصطفی ٹاؤن میں عابد کے گھر میں گھس کر اہلخانہ کو گن پوائنٹ پر یرغمال بنا کر 6لاکھ ، طلائی زیورات، موبائل فون اور دیگر سامان، برکی میں اجمل اور اس کی فیملی سے4لاکھ 90ہزار روپے مالیت کی نقدی، طلائی زیورات اور موبائل فون، جنوبی چھاؤنی  میں ندیم سے اسلحہ کے زور پر 2لاکھ روپے اور موبائل فون، شاد باغ  میں عاطف سے 85 ہزار روپے اور موبائل فون، نواب ٹاؤن  میں عمر سے 45 ہزار روپے اور موبائل فون، شاہدرہ  میں وقار سے 39 ہزار روپے اور موبائل فون، شاہدرہ  میں وقار سے 36 ہزار روپے اور موبائل فون، گلشن اقبال  میںعادل سے 33 ہزار روپے اور موبائل فون، شالیمار  سے رضا سے 30 ہزار روپے موبائل فون، مانگا منڈی میں  ثقلین سے 25 ہزار روپے اور موبائل فون، باغبانپورہ میںعاصم سے 18 ہزار روپے اور موبائل فون، لیاقت آباد میں کلیم سے 17 ہزار روپے اور موبائل فون، ہنجروال  میں اویس سے12 ہزار روپے اور موبائل فون،کوٹ لکھپت کے علاقے میں محمد وسیم سے دو موبائل فون، داتا دربار کے علاقہ میں شاہد سے 8 ہزار روپے اور موبائل فون لوٹ لیا۔ فرار ہو گئے۔ چوروں نے سندر میں محمد وقاص کے گھر کے تالے توڑ کر ساڑھے 3لاکھ 20ہزار روپے، زیورات اور دیگر سامان چوری کر لیا۔ چوروں نے راوی روڈ، ساندہ، گلبرگ، گارڈن ٹائون اور کاہنہ کے علاقوں سے5 کاریں، مصری شاہ  سے رکشہ جبکہ گجر پورہ، مزنگ ، ماڈل ٹاؤن، چوہنگ، نواب ٹاؤن، مانگا منڈی، گڑھی شاہو، لٹن روڈ، ملت پارک، ہربنس پورہ اور اقبال ٹاؤن کے علاقوں سے11موٹر سائیکلیں چوری کر کے فرار ہو گئے۔
ڈاکے