اسلام آباد(آئی این پی ) ملک بھر میں کرونا وائرس کے وار تھمنے کا سلسلہ برقرار  ، مثبت کیسز کی شرح میں واضح کمی ہو رہی ہے۔ قومی ادارہ صحت (این آئی ایچ) کی رپورٹ کے مطابق 24 گھنٹے کے دوران 11 ہزار 953 کرونا ٹیسٹ کیے گئے جن میں سے 57 نئے مریض رپورٹ ہوئے ہیں۔ این آئی ایچ کے مطابق گزشتہ 24 گھنٹوں کے دوران ملک میں کرونا مثبت کیسزکی شرح 0.48 فیصدرہی، جبکہ کوئی ہلاکت ریکارڈ نہیں ہوئی۔ قومی ادارہ صحت کی رپورٹ کے مطابق ملک بھر میں ابھی بھی 28 مریضوں کی حالت تشویشناک ہے۔