لاہور(سپورٹس رپورٹر)بنگلہ دیش میں کھیلے جا رہے ویمنز ٹی ٹونٹی ایشیا کپ میں سری لنکا نے پاکستان کو سنسنی خیز مقابلے کے بعد ایک رن سے شکست دےدی۔سری لنکا کے 122 رنز کے جواب میں پاکستانی ٹیم 6 وکٹوں پر 121 رنز بناسکی۔آخری بال پر جیت کیلئے3 رنز درکار تھے تاہم ندا ڈار رن آﺅٹ ہوگئیں ۔ بسمہ معروف 42 رنز بنا کر ٹاپ سکورر رہیں۔ انوکا رانا ویرا کو میچ کی بہترین کھلاڑی قرار دیا گیا۔ پہلے سیمی فائنل میں بھارتی ٹیم کے 148 رنز کے جواب میں تھائی لینڈ ٹیم 9 وکٹ پر 74 رنز بناسکی۔ فائنل کل بھارت اور سری لنکا کے درمیان کھیلا جائیگا۔