بنگلہ دیش کے ٹاس جیت کر 6وکٹوںپر 173رنز ‘شکیب الحسن نے 70رنزکی اننگز کھیلی 

لاہور(سپورٹس رپورٹر)سہ فریقی ٹی 20 سیریز کے آخری گروپ میچ میں پاکستان نے بنگلہ دیش کو 7وکٹوں سے شکست دےدی،کرائسٹ چرچ میں بنگلہ دیش نے ٹاس جیت کر بیٹنگ کا فیصلہ کیا اور6 وکٹوں پر 173 رنز بنائے۔ لٹن داس اور کپتان شکیب الحسن نے بالترتیب 69 اور 68 رنز بنائے۔ نسیم شاہ نے 2 ‘ محمد وسیم جونیئر نے 2 ‘ محمد نواز نے ایک کھلاڑی کو آﺅٹ کیا،ہدف کے تعاقب میں قومی ٹیم کے اوپنر محمد رضوان اور بابراعظم نے ایک اور سنچری پارٹنرشپ قائم کی، بابراعظم نے 55 رنز سکور کیے جبکہ رضوان نے 69 رنز کی اننگز کھیلی جبکہ حیدر علی ایک بار پھر فلاپ ہو گئے اور پہلی ہی گیند پر بولڈ ہوگئے ۔ ، محمد نواز نے 20 گیندوں پر 45 رنز کی ناقابل شکست اننگز کھیلی۔قومی ٹیم نے ہدف تین وکٹوں پرپوراکرلیا۔محمد رضوان کو میچ کا بہترین کھلاڑی قرار دیا گیا ۔بنگلہ دیش کی مسلسل چوتھی شکست تھی۔ قومی ٹیم میں ایک تبدیلی کی گئی، فاسٹ باﺅلر شاہنواز دھانی کی جگہ محمد حسنین کو ٹیم میں شامل کیا گیا ۔نیوزی لینڈ اور پاکستان کے درمیان فائنل میچ آج کرائسٹ چرچ میں کھیلا جائےگا،میچ پاکستان کے معیاری وقت کے مطابق صبح 7بجے شروع ہوگا۔