شیخوپورہ(نمائندہ نوائے وقت) مرکزی انجمن تاجران کے چیئرمین الحاج ملک اسلم بلوچ نے کہا ہے کہ حضرت محمد ؐ کے بتائے ہوئے سنہری اصولوں پر عمل پیرا ہوکر دنیا کو امن کا گہوارہ بنا یا جا سکتا ہے۔ آپ ؐ نے رنگ و نسل، امیر و غریب کے تصور کا خاتمہ کر کے بتایا کہ تم میں سے اللہ تعالی کے سب سے زیادہ قریب وہ ہے جو متقی وپرہیز گار ہے۔ انہوں نے مزید کہا کہ نبی پاک ؐ اور اہل بیت سے محبت ایمان مکمل ہونے کی دلیل ہے۔ نبی پاک ؐ رحمت اللعا لمین بن کر کائنات میں جلوہ افروز ہوئے آپ ؐ کے آنے سے کائنات کا ذرہ ذرہ چمک گیا، انجینئر نادر خان دیسوالی نے اپنے خطاب میں کہا کہ آج ہمیں جن مسائل کا سامنا ہے اس کی اصل وجہ دین سے دوری ہے۔