راولپنڈی(جنرل رپورٹر) قائد ملت جعفریہ آغاسید حامد علی شاہ موسوی کے قائم کردہ عالمگیر ہفتہ وحدت و اخوت کے سلسلہ میں رسول صادق اورامام جعفرصادق ؑ کی نورانی آمدکی مناسبت سے جمعہ کو جشن صادقین مذہبی جوش و جذبے کیساتھ منایا جائیگا۔اس موقع پر محافل میلاد اور کانفرنسوں کا انعقاد کیاجائیگا، علمائے کرام ، واعظین اور ذاکرین نے سیرت ختمی مرتبت اور حضرت امام جعفر صادق ؑ کے علمی کارناموں پر روشنی ڈالیں گے ۔ نعت خواں پارٹیوں بارگاہ رسالت میں منظوم گلہائے عقیدت پیش کریں گے۔
راولپنڈی پولیس کا کریک ڈاﺅن، 30 منشیات سمگلرز، سپلائرز گرفتار
 راولپنڈی(اپنے سٹاف رپورٹر سے)راولپنڈی پولیس کا منشیات سمگلرزاورشراب سپلائرز کے خلاف موثر کریک ڈاﺅن،30ملزمان گرفتار، 22کلو سے زائد چرس ،138لیٹرشراب اور 05بوتل شراب برآمدکرلی تھانہ سٹی پولیس نے ملزم زبیر احمد سے 01کلو680گرام چرس، وارث خان پولیس نے ملزم غفار احمد سے 01کلو600گرام چر س اورملزم مظفر حسین سے 01کلو810گرام چرس، ائیر پور ٹ پولیس نے ملزم کامران عرف کامی سے01 کلو800گرام چرس اورملزم شمشیر سلامت سے 40لیٹرشراب ،واہ کینٹ پولیس نے ملزم زرعہ محمود سے 03کلو چرس برآمد کر لی۔
وحدت کانفرنس16 اکتوبرکوہوگی 
اسلام آباد (نا مہ نگار)مجلس وحدت مسلمین پاکستان کے سیکرٹری سیاسیات سید اسد عباس نقوی کی زیر صدارت اہم اجلاس ہوا جس میں ربیع الاول کی مناسبت سے منعقد ہونے والی وحدت کانفرنس کے انتظامات کا جائزہ لیا گیا اور ذمہ داریوں کو حتمی شکل دی گئی اجلاس میں ایم ڈبلیو ایم ضلع اسلام آباد اور راولپنڈی کے مسﺅلین سمیت نمائندگان بھی شریک ہوئے، کانفرنس16 اکتوبر بروز اتوار کو پاک چائنا سنٹر میں منعقد ہو گی جس میں ملی یکجہتی کونسل کی جماعتوں کے مرکزی قائدین اور علما ومشائخ عظام سمیت تمام شعبہ ہائے زندگی سے تعلق رکھنے والے عاشقان رسول شریک ہوں گے۔