نبی پاک کی دنیا میں تشریف آوری سے ہرسو اجالا ہو گیا: قاری فیض بخش رضوی

وہاڑی (نامہ نگار‘ کرائم رپورٹر، سٹی رپورٹر)جماعت اہل سنت ملتان ڈویژن کے زیر اہتمام سالانہ محفل میلاد النبی جامع مسجد غوثیہ اڈا27بھٹہ سے علامہ قاری فیض بخش رضوی نے خطاب کرتے ہوئے کہا کہ نبی آخر الزماں حضرت محمدکے دنیا میں تشریف لانے سے ہر سو اجالا ہوگیا آپ تمام جہانوں کیلئے رحمت بنا کر بھیجے گئے اور آپ کی پوری زندگی رحمت و برکت کا نمونہ ہے۔ قاری محمد یعقوب فریدی نے کہا کہ نبی پاک کی تعلیمات ہمارے لئے مشعل راہ ہیں امت مسلمہ ان کی تعلیمات سے دوری کے سبب زوال کا شکار ہے ہمیں اپنے اصل کو پہچاننا چاہئے محفل میلاد میں مولانا فاروق مہدی، ڈاکٹر سلمان رانا، علامہ فیض رسول رضوی ،قاری مجاہد مہروی ،حافظ امانت علی، قاری مختار قادری، حافظ شبیر احمد، قاری شفیق احمد سمیت سینکڑوں عاشقان رسول نے شرکت کی۔