ملک کے جنوبی ٹرانسمیشن سسٹم میں حادثاتی خرابی ہوئی‘ وزارتِ توانائی 

اسلام آبا د(نا مہ نگار)بجلی کے بریک ڈاون پر وزارتِ توانائی کا بیان سامنے آ گیا جس میں اس بریک ڈائون کی وجوہات بتائی گئی ہیں۔وزارتِ توانائی نے جاری کیے گئے اعلامیے کے ذریعے بتایا ہے کہ ملک کے جنوبی ٹرانسمیشن سسٹم میں حادثاتی خرابی ہوئی ہے۔اعلامیے میں وزارتِ توانائی کا کہنا ہے کہ اس حادثاتی خرابی کے باعث متعدد جنوبی پاور پلانٹس مرحلہ وار ٹرِپ ہو رہے ہیں۔وزارتِ توانائی کے اعلامیے کے مطابق پاور پلانٹس ٹرپ ہونے سے ملک کے جنوبی حصے میں بجلی کی ترسیل میں رکاوٹ آ رہی ہے۔اعلامیے میں وزارتِ توانائی نے مزید بتایا ہے کہ وزارتِ توانائی پوری تندہی سے خرابی کی وجہ کی تفتیش کر رہی ہے۔وزارتِ توانائی کی جانب سے اعلامیے میں یہ بھی بتایا گیا ہے کہ جلد از جلد بجلی کے نظام کو مکمل بحال کر لیا جائے گا
وزارتِ توانائی