لاہور(سپورٹس رپورٹر)پاکستان تھروبال فیڈریشن کے زیراہتمام اور سندھ تھروبال ایسوسی ایشن کے تعاون 11ویں کلیگن بوائز اینڈ گرلز تھروبال چمپئن شپ یکم نومبر سے کراچی میں شروع ہو گی۔ ملک بھر سے 50 کے قریب سکولز، کالجز اور یونیورسٹیز کی طلباء و طالبات کی ٹیمیں حصہ لیں گی۔ ٹیموں کی منیجرز میٹنگ 28 اکتوبر کو سہ پہر ڈھائی بجے ہوگی جس میں ڈراز کا اعلان کیا جائیگا۔ سیمی فائنل اور فائنل مقابلے 4 اور 5 نومبر کو کھیلے جائیں گے۔ ٹورنامنٹ کی اختتامی تقریب 5 نومبر کو شام ساڑھے چار بجے ہوگی۔