کراچی( نیوز رپورٹر) پاک بحریہ کیلئے 2 جدید ترین آف شورپٹرول جنگی بحری جہازوں کی تعمیر کا آغاز ہوگیا، یہ جہاز جدید ترین ہتھیاروں اورٹیکنالوجی سے لیس ہوں گے۔تفصیلات کے مطابق پاک بحریہ کیلئے 2 جدید ترین آف شورپٹرول جنگی بحری جہازوں کی تعمیر کا آغاز کردیا گیا۔ترجمان پاک بحریہ کی جانب سے کہا گیا کہ تقریب کاانعقاد رومانیہ کیڈیمن شپ یارڈمیں ہوا، جس میں چیف آف دی نیول اسٹاف ایڈمرل محمدامجدخان نیازی مہمان خصوصی تھے۔ترجمان نے بتایا کہ یہ جہازجدید ترین ہتھیاروں اورٹیکنالوجی سے لیس ہوں گے۔جہازوں کی شمولیت سے سمندری امورکے تحفظ کیلئے پاک بحریہ کی صلاحیتوں میں مزید اضافہ ہو گا۔اس موقع پر نیول چیف نے بحری امن واستحکام کے حوالے سے پاک بحریہ کی کاوشوں کو اجاگر کیا۔نیول چیف نے ڈیمن شپ یارڈ کی پیشہ ورانہ مہارت اور پاک بحریہ کوجدیدٹیکنالوجی کی فراہمی پرشپ یارڈانتظامیہ کی بھی تعریف کی۔
آف شور جنگی جہاز
پشاور، نامعلوم افراد کی فائرنگ 
سے 4 افراد جاں بحق 
پشاور (نوائے وقت رپورٹ) چمکنی میں نامعلوم افراد کی گاڑی پر فائرنگ سے چار افراد جاں بحق ہو گئے۔ پولیس کے مطابق واقعہ دشمنی کی وجہ سے پیش آیا، جاں بحق افراد کا تعلق ارمز سے ہے۔