لاہور(سپورٹس رپورٹر)قومی ٹیم کے فاسٹ باﺅلر نسیم شاہ کو بھی دبئی کا گولڈن ویزہ مل گیا ۔انہوں نے خوشی کا اظہار کرتے ہوئے دبئی کو اپنا دوسرا گھر قرار دےدیا،نسیم شا ہ کی جانب سے گولڈن ویزہ ملنے کی خبر سوشل میڈیا پر شیئر کرتے ہوئے لکھا گیا کہ بڑے اعزاز کی بات ہے کہ اس ملک کا گولڈن ویزہ مل گیا جس کو اپنا دوسرا گھر سمجھتا ہوں،فاسٹ بالر نسیم شاہ کے علاوہ شاداب خان، افتخار احمد سمیت متعدد پاکستانی کرکٹرز اور شوبز ستاروں کو بھی دبئی کا گولڈن ویزہ مل چکا ہے۔