چائلڈ پروٹیکشن بیورو ریسکیو ٹیم کا آپریشن: 20 بھکاری بچے تحویل میں

لاہور (لیڈی رپورٹر) چائلڈ پروٹیکشن بیورو کی ریسکیو ٹیم کا گرینڈریسکیو آپریشن، مختلف علاقوں میں بھکاری بچوں کے خلاف کریک ڈاو¿ن کیا گیا۔ اس حوالے سے چیئر پرسن سارہ احمد نے کہا کہ چائلڈ پروٹیکشن بیورو کی ریسکیو ٹیم نے بھکاری بچوں کے خلاف گرینڈ ریسکیو کے دوران 20 بھکاری بچوں کو تحویل میں لے لیا۔تحویل میں لئے گئے بھکاری بچوں کو تعلیم،صحت اور دیگر بنیادی سہولیات فراہم کی جائیں گی۔ بھکاری مافیا کے خلاف بچوں سے بھیک منگوانے پر 4 ایف آئی آر درج کروائی گئی ۔گرینڈ ریسکیو داتا دربار، لاری اڈا، یادگار چوک، بتی چوک، شاہدرہ اور دیگر علاقوں میں کیا گیا۔