پونے 3سو منشیات فروش گرفتار‘کروڑوں روپے مالیت کی منشیات برآمد

فیروزوالہ( نامہ نگار)شیخوپورہ ریجن میں منشیات فروشوں کیخلاف بڑے پیمانے پر کریک ڈاؤن کے دوران پونے تین سو منشیات فروشوں کو گرفتار کر کے قبضہ سے کروڑوں روپے مالیت کی منشیات برآمد کر لی ۔آر پی او شیخوپورہ ریجن اطہر اسماعیل امجد نے بتایا کہ شیخوپورہ کے تین اضلاع شیخوپورہ، ننکانہ اور قصور میں منشیات فروشوںکیخلاف کاروائیاں جاری ہیں۔ منشیات میں آئس ‘چرس‘ افیون ‘شراب ولایتی اور دیسی شراب شامل ہے۔ ڈی پی اوز کی نگرانی میں منشیات فروشوں کے خلاف ٹیمیں تشکیل دی گئی جو روزانہ کی بنیاد پر کاروائیاں کر رہی ہے۔