لاہور(سپورٹس رپورٹر)سابق کپتان یونس خان نے ملتان ٹیسٹ میں انگلینڈ کے ہاتھوں بدترین شکست پر بالواسطہ کپتان شان مسعود پر طنز کردیا۔ سابق کرکٹر یونس خان نے پاکستان میں تقریب سے خطاب کرتے ہوئے ٹیسٹ ٹیم کے کپتان شان مسعود کو آڑے ہاتھوں لیا اور پاکستان کرکٹ بورڈ سے سخت فیصلے لینے کا مطالبہ کیا۔46 سالہ یونس خان نے شان مسعود پر بالواسطہ طنز کرتے ہوئے کہا کہ کسی فرد میں ٹیم کی قیادت کرنے کی کوئی خوبیاں نہیں، اہم عہدوں پر بیٹھے لوگوں کو لگتا ہے کہ یہ ہماری سنتا ہے، اچھا پڑھا لکھا ہے، انگریزی، اردو، پشتو اچھی بولتا ہے تو اس کو کپتان بنا دو، بھلے وہ اچھا کھلاڑی ہو یا نہ ہو۔