ڈاکو ڈلیوری بوائے سے  نقدی اور موبائل چھین کر فرار

تتلے عالی+کامونکی(نامہ نگار،نمائندہ خصوصی) ڈاکو دو ڈلیوری بوائے سے ایک لاکھ سے زائد نقدی رقم اور موبائل فونز چھین کر فرار ہوگئے۔بتایا گیا ہے کہ گزشتہ روز جلیل ٹاؤن گوجرانوالہ کا عمر نعیم اور حافظ آباد روڈ گوجرانوالہ کا فرحان موٹر سائیکل پر نوشہرہ ورکاں ڈیلیوری کا سامان دیکر واپس آرہے تھے کہ موضع ہرچوکی کے قریب موٹر سائیکل سوار تین  ڈاکو ان سے مجموعی طور پر ایک لاکھ اڑتیس ہزار روپے نقدی اور موبائل چھین کر فرار ہوگئے۔جبکہ تھانہ سٹی کے علاقہ میں موٹرسائیکل سوار حسن مصطفی سندھو سے دو موٹرسائیکل سوار ڈاکوگن پوائنٹ پر پنتیس ہزار روپے نقدی چھینی کر فرار ہوگئے۔پولیس مصروف تفتیش ہے۔