11روزہ تحفظ عقیدہ ختمِ نبوت کورس آج فتح جنگ میں شروع ہوگا

 فتح جنگ(نامہ نگار)  آج مورخہ 14 اکتوبر  2024 بروز سوموار سے جامعہ مسجد غوثیہ مہریہ رضویہ نذد پرانا نیشنل بینک فتح جنگ میں اپنی نوعیت کا منفرد 11 روزہ ختمِ نبوت کورس شروع ہورہا ہے جو روزانہ نماز مغرب کے فوری بعد شروع ہوگا اور اس کا دورانیہ نصف گھنٹہ ہوگا آخر میں سوال و جواب کی نشست بھی ہوگی یہ کورس مخدومِ اہلسنت مجاہدِ ختمِ نبو ت وناموسِ رسالت ؐحضرت علامہ مخدوم ذوالفقار علی حیدری صاحب جو شدید علیل ہیں خود کرارہے ہیں اہلیانِ فتح جنگ وگردونواع کے نام ایک پیغام میں مجاہدِ ختم نبوت مخدوم ذوالفقارعلی حیدری نے سب اہلِ ایمان کو اس کورس میں شمولیت کی دعوت دی ہے ان کا کہنا تھا کہ یہ انتہائی اہم کورس ہے وقت کی بنیادی ضرورت ہے ہماری خوش قسمتی ہے کہ یہ ہمارے شہر فتح جنگ میں ہورہا ہے عمر اور تعلیم کی کوئی قید نہیں ہے کسی بھی شعبے سے وابستہ فرد یہ کورس کرسکتا ہے قلم اور کاپی اپنے ہمراہ ضرور لائیں زیادہ سے زیادہ یہ دعوت عام کریں اور تحفظ عقیدہ ختمِ نبوت کے لیے اپنا کردار ضرور ادا کریں ۔