شہزاد ٹائون، گھر کے تالے توڑ کرچور نقدی، طلائی زیورات لے اڑے

اسلام آباد(اپنے سٹاف رپورٹر سے)چوری سٹریٹ کرائم کی وارداتوں میں شہری نقدی، زیورات، کار اور موٹر سائیکلوں سمیت قیمتی سامان سے محروم ہو گئے تھانہ کھنہ کے علاقے میں دو مسلح نقاب پوش موٹر سائیکل سوار گن پوائنٹ پر شہری سے نقدی، موبائل فون ، طلائی چین چھین کر فرار ہوگئے تھانہ شہزاد ٹائون کے علاقے میں گھر کے تالے توڑ کر نقدی، طلائی زیورات، گاڑی کی چابی، لیپ ٹاپ، کمبل چوری کرلئے گئے تھانہ سنگجانی کے علاقہ میں گھر سے نقدی، زیورات اور قیمتی سامان چوری کرلئے گئے تھانہ ہمک کے علاقے میں گھر کے تالے توڑ کر نقدی، انعامی بانڈ ، قیمتی ملبوسات ،ایل سی ڈی چوری کرلئے گئے تھانہ کراچی کمپنی کے علاقے میں گھر کے سامنے کھڑی کار چوری ہوگئی تھانہ کورال کے علاقے میں دو موٹر سائیکل چوری ہوگئے تھانہ کوہسار کے علاقے سے موٹر سائیکل چوری ہوگیا تھانہ کھنہ کے علاقے سے موٹر سائیکل چوری ہوگیا تھانہ شالیمار کے علاقے موٹر سائیکل چوری ہوگیا تھانہ مارگلہ کے علاقے سے دو عدد موٹر سائیکل چوری ہوگئے۔