چنائی (سپورٹس ڈیسک) بھارتی کرکٹ بورڈ نے جنوبی افریقہ کے دورہ کے متبادل کے طور پر سہ ملکی ون ڈے سیریز کا منصوبہ بنایا۔ سیریز میں میزبان بھارت، پاکستان اور سری لنکا کی ٹیمیں حصہ لیں گی۔ بھارت نے رواں سال جنوبی افریقہ کا دورہ کرنا ہے تاہم ابھی تک دونوں بورڈز کے درمیان معاملات طے نہیں پا سکے ہیں۔ تینوں بورڈز کے عہدیدار آج چنائی میں ایشین کرکٹ کونسل کے اجلاس میں ملاقات کریں گے جس میں ایونٹ کی تفصیلات پر بات چیت کی جائے گی۔ اگر اتفاق رائے ہو گیا تو بھارت نومبر دسمبر میں جنوبی افریقہ کا دورہ نہیں کرے گا۔