کابل(اے این این) افغانستان کے شمالی صوبے جازجان میں اغوا کاروں نے مغوی پاکستانی انجینئروں کے ڈرائیور کو قتل کردیا۔ صوبائی حکام نے میڈیا کو بتایاکہ دو ہفتے قبل  دو پاکستانی انجینئروں کو شبرغان شہر سے اغوا کیا تھا۔ صوبائی پولیس کے ترجمان عبدالمنان رئوفی نے کہا اغوا کاروں نے مغوی انجینئروں کے ڈرائیور کو قتل کردیا ہے اور اسکی نعش دشت  لیلی کے علاقے سے برآمدہوئی ہے۔ انہوں نے کہا مغوی پاکستانی انجینئروں کے بارے میں تاحال کوئی  معلومات نہیں مل سکیں۔