اس بار عید الاضحیٰ کے موقع پر ایکشن اور جدید موسیقی سے بھرپور چار پشتو فلمیں ریلیز کی گئی ہیں، ارباز خان اور شاہد خان کی فلمیں شائقین کو سینیما گھروں میں کھینچنے میں کامیاب ہو گئیں۔
دوسری جانب فلم سازوں نے ایک دوسرے پر سبقت لے جانے کے لئے اپنی فلموں میں نئی تکنیک کے استعمال سمیت ڈائیلاگ ،ایکشن اور موسیقی، پر خاص توجہ دی ہے جسے شائقین بے حد پسند کر رہے ہیں.
فلمسازوں کا کہنا ہے کہ امن و امان کی صورتحال بہتر ہونے کے ساتھ ساتھ اب فلم انڈسٹری بھی دوبارہ بحال ہو رہی ہے، لوگ بنا خوف و خطر سینیما گھروں کا رخ کر رہے ہیں،معیاری اور موضوعاتی فلمیں بنیں گی تو فلم اندسٹری کی ترقی بھی ممکن ہوگی۔