افغان شہریوں کے لبوں پر مسکراہٹ بکھیرنے والا ’’چارلی چپلن‘‘

کابل (نیٹ نیوز) چارلی چپلن کا کردار لوگوں کے لبوں پر مسکراہٹ بکھیرنے کے حوالے سے مشہور ہے لیکن آج کل ایک افغان چارلی چپلن کی بھی دھوم ہے، جو جنگ زدہ ماحول میں لوگوں میں خوشیاں تقسیم کرے میں مصروف عمل ہے۔ افغانستان کے دارالحکومت کابل میں مقیم ایک سٹینڈ اپ کامیڈین کریم آسر چارلی چپلن کا روپ دھارے لوگوں کے چہروں پر ہنسی لانے کے لئے جگہ جگہ پرفارم کرتے ہیں۔ ان کا حلیہ بالکل چارلی چپلن کی طرح ہوتا ہے یعنی سائز سے بڑے جوتے، ڈھیلی ڈھالی پتلون، ہاتھ میں چھڑی اور کالی ٹوپی جس کی وجہ سے انہیں ’’افغان چارلی چپلن‘‘ کا لقب دیا گیا ہے۔