بھارت کیخلاف اچھا کھیل کر جیتنے کی کوشش کرینگے : فہیم اشرف

لاہور(سپورٹس رپورٹر+نمائندہ سپورٹس)قومی کرکٹ ٹیم کے آل راﺅنڈر فہیم اشرف نے کہا ہے کہ بھارت کے خلاف کھیلنا ہر کھلاڑی کا خواب ہوتا ہے ۔ پی ایس ایل سے ٹیلنٹ مل رہا ہے ۔ ایشیا کپ میں مقامی کنڈیشنز سے ہم آہنگی کیلئے سخت محنت کر رہے ہیں ۔ ہر کھلاڑی بھارت کے خلاف پرفارم کرنا چاہتا ہے ۔ امید ہے مجھے بھی پرفارم کرنے کا موقع ملے گا۔ بھارتی ٹیم کوہلی کے بغیر بھی مضبوط ہے او رہم اسے آسان نہیں لیں گے ۔ تمام شعبوں میں سو فیصد کارکردگی دکھانے کی کوشش کرینگے ۔ محنت کے ذریعے میچ جیتنے کی کوشش کرینگے ۔ متحدہ عرب امارات ہمارے ہوم گراﺅنڈ کی طر ح ہے ‘فائدہ اٹھانے کی کوشش کرینگے ۔ ہم نے تمام ہوم سیریز یہاں کھیلی ہیں ۔ ایشیا کپ بڑا ایونٹ ہے جس کا دباﺅ بھی ہوگا۔ ایبٹ آباد اور لاہور میں تربیتی کیمپس کی وجہ سے یہاں ایڈ جسٹ ہونے میں مد د ملی ہے ۔ امید ہے کنڈیشنز سے مدد ملے گی ۔