انٹرمیڈیٹ امتحانات:کپس کی 4بورڈز میں11پوزیشنیں

لاہور (پ ر) انٹرمیڈیٹ 2018کے سالانہ امتحانات میںKIPS کالجز کے طلباء وطالبات نے گزشتہ شاندارروایات کو برقرار رکھتے ہوئے گوجرانوالہ، فیصل آباد، ملتان اور لاہور بورڈ ز میں مجموعی طور پر ٹاپ 11پوزیشنز حاصل کرلیں۔ گوجرانوالہ بورڈ سے پری میڈیکل گروپ میں محمد حبیب نے 1046نمبرز حاصل کرکے پہلی پوزیشن حاصل کی۔ فیصل آباد بورڈ سے پری انجینئرنگ گروپ میں نعمان احمد نے 1037 نمبرز اور طالبہ فتح لطیف نے 1024 نمبرز حاصل کرکے پہلی پوزیشن حاصل کی جبکہ فیضان عظمت نے 1032 نمبرز حاصل کرکے پری انجینئرنگ گروپ میںاور محسن رضا نے کامرس گروپ 982نمبرز حاصل کرکے دوسری پوزیشن حاصل کی جبکہ محمد آفاق نے 1031نمبرز حاصل کرکے پری انجینئرنگ گروپ میں تیسری پوزیشن حاصل کی۔ملتان بورڈ سے کامرس گروپ میں علی حسن نے 1001 نمبرز اور فروا نواز نے 992 نمبرز حاصل کرکے پہلی پوزیشن حاصل کی جبکہ پری میڈیکل گروپ میں محمد اُسامہ نے 1049 نمبرز اور کامرس گروپ میں رابعہ جمیل نے 987 نمبرز حاصل کرکے دوسری پوزیشن حاصل کی۔ لاہور بورڈ سے محمد زین نے 1042 نمبرز حاصل کرکے پری میڈیکل گروپ میں تیسری پوزیشن حاصل کی۔ KIPS اس موقع پر پوزیشنز حاصل کرنے والے طلباء و طالبات ، ان کے والدین اور اساتذہ کرام کا تہہ دل سے شکریہ ادا کرتا ہے۔