مریم اورنگزیب جھوٹے ترین طوطے ڈوڈو سے بھی زیادہ جھوٹی ہیں: شہباز گل

اسلام آباد (وقائع نگار خصوصی) وزیراعظم کے معاون خصوصی برائے سیاسی روابط شہباز گل نے مسلم لیگ (ن) کی ترجمان مریم اورنگزیب کو ’’ ڈوڈو طوطے‘‘ سے بڑا جھوٹا قرار دے دیا۔ مسلم لیگ ن کی ترجمان مریم اورنگزیب کے ٹوئٹ پر ڈاکٹر شہباز گل نے اپنے  ردعمل میں کہا کہ میرے دوست کے پاس ایک ’’ڈوڈو‘‘ نامی بولنے والا طوطا  ہوتا تھا، وہ بہت جھوٹ بولتا تھا۔  انہوں نے مریم اورنگزیب کو مخاطب کرتے ہوئے لکھا کہ  مجھے لگتا تھا کہ وہ طوطا سب سے زیادہ جھوٹا ہے، آپ کو دیکھا تو ڈوڈو کو بھول گیا کیونکہ آپ تو رکھ رکھ کرجھوٹ بولتی ہیں۔ شہباز گل نے کہا ہے کہ سابق آئی جی پنجاب پولیس ذوالفقار چیمہ  (ن) لیگ کے  آفیسر تھے، ان  کا بھائی (ن) لیگ کا ایم این اے ہے۔ اتوار کو ایک ٹویٹ میں انہوں نے کہا کہ (ن) لیگ کی ایما پر ایک ٹی وی پروگرام میں موجودہ آئی جی پر بے وجہ تنقید کرتے رہے۔ سیاسی وابستگی نبھائیں لیکن اس حد تک مت جائیں کہ آپکو جواب ملے، اب آپ جناب کا زمانہ نہیں جواب آئیگا۔