سرگودھا (نامہ نگار) سرگودھا کے نواح میں ڈکیتی کی واردات میں ملوث ڈاکوؤں کے ساتھ پولیس مقابلہ میں ایک ڈاکو ہلاک اور اس کے  دو ساتھی فائرنگ کرتے ہوئے فرار ہوگئے۔ ذرائع کے مطابق کڑانہ کے علاقہ اصطبل پل پر ڈکیتی کی واردات میں مسلح ڈاکوؤں نے گن پوائنٹ پر شیخوپورہ سے سرگودھا آئے مہمانوں کو لوٹ لیا جہاں چک 29 جنوبی کے قریب ہی علاقہ پولیس گشت پر تھی جس کو پل پر ڈکیتی کی واردات کی اطلاع ملی تو پولیس نے جائے واردات سے ڈاکوؤں کا تعاقب کیا اور مقابلہ ہو گیا۔ جس میں ایک ڈاکو موقع پر ہلاک اور اس کے دو ساتھی فائرنگ کرتے ہوئے فرار ہو نے میں کامیاب ہوگئے۔ اس واقعہ پر پولیس نے بتایا کہ تھانہ کڑانہ کو اطلاع ملی کہ تین ڈاکو مسلح اصطبل پل پر ڈکیتی کی واردات میں مصروف ہیں جس کی اطلاع پر پولیس نفری موقع پر پہنچی جسے دیکھتے ہے ڈاکوؤں نے پولیس پارٹی پر سیدھی فائرنگ کردی۔ جہاں مقابلہ میں فائرنگ کے رکنے پر پولیس نے سرچ آپریشن کیا تو جائے وقوعہ سے ایک نامعلوم ملزم کی نعش ملی جس کے ساتھی ملزمان اندھیرے کا فائدہ اٹھاتے ہوئے فرار ہو گئے۔