لاہور (سپیشل رپورٹر+نوائے وقت رپورٹ) لیجنڈ اداکار عمر شریف کے بیٹے جواد عمر کا کہنا ہے کہ والد کی طبیعت میں بہتری نہیں آ رہی اگر امریکہ نہیں بھیجا گیا تو اوپن ہارٹ سرجری کی طرف جانا ہو گا۔  پوری قوم سے والد کی صحت یابی کیلئے دعائوں کی اپیل کرتا ہوں۔سندھ حکومت نے اداکار عمر شریف کو امریکا لے جانے کے لیے ائیر ایمبولینس کا بندوبست کردیا۔ کراچی کے ایڈمنسٹریٹر مرتضیٰ وہاب نے اس سلسلے میں   یقین دہانی کرائی ہے  جبکہ  وفاقی حکومت ویزے کے حصول میں عمر شریف کی مدد کرے گی۔ عمر شریف کی اہلیہ زرین عمر شریف نے تصدیق کرتے ہوئے کہا ہے عمر شریف ائیر ایمبولینس کے ذریعے  امریکی دارالحکومت واشنگٹن جائیں گے۔