وہاڑی (خبر نگار) مسلح افراد کا نوجوان کو اغواء کرکے تشدد،گلیوں میں گھسیٹتے رہے تفصیل کے مطابق پولیس تھانہ ٹھینگی کی حدود 52 ڈبلیو بی میں نواز،رفاقت،آصف،مزمک،گوہر و دیگر چھ نامعلوم افراد نے اسلحہ کے زور پر محنت کش مصور عباس کو اغواء کرلیا متاثرہ مصور نے بتایا کہ ملزمان اسے پسٹل اور بندوق کے بٹ مارتے رہے اور بعد ازاں گلی میں فائرنگ کرتے ہوئے گھسیٹتے رہے مبینہ ملزمان کی فائرنگ سے علاقہ بھر میں خوف و ہراس پھیل گیا لوگ ڈر کے مارے اپنے گھروں میں گھس گئے ملزمان مجھے زخمی حالت میں چھوڑ کر فرار ہوگئے ریسکیو ٹیم نے زخمی کو ہسپتال منتقل کردیا جبکہ متاثرین کی درخواست پر پولیس تھانہ ٹھینگی نے مقدمہ درج کرلیا۔