گوجرانوالہ (نمائندہ خصوصی)ریجنل ایمرجنسی آفیسرپنجاب ایمرجنسی سروس ڈیپارٹمنٹ گوجرانوالہ ڈویژن سید کمال عابد نے ریسکیو اسٹیشن کامونکی کا اچانک دورہ کیاسٹیشن انچارج محمد نعیم نے ریجنل ایمرجنسی آفیسر کو سروس کے بارے میں بریف کیاریجنل ایمرجنسی آفیسر سید کمال عابد نے سٹاف کا ٹرن آوٹ، ایمرجنسی وہیکلزاور ریسکیو آلات کی ورکنگ اور ٹریکر سسٹم کا معائنہ کیا اور ریسکیو1122اور موٹر وے پولیس کے زیر اہتمام رضاکاروں اور تمام شعبہ جات سے تعلق رکھنے والے افراد کیلئے جاری فرسٹ ایڈ ٹریننگ ورکشاپ اور میڈیکل کیمپ کا معائنہ بھی کیا اور اس پر مکمل اطمینا ن کا اظہارکیا۔ریجنل ایمرجنسی آفیسر گوجرانوالہ ڈویژن سید کمال عابد نے ہنگامی حالات سے نبرد آزما ہونے کیلئے ریسکیو1122 کامونکی کے اہلکاروں کی پیشہ وارانہ مہارت کو سراہا اور خراجِ تحسین پیش کیا۔ریجنل ایمرجنسی آفیسر گوجرانوالہ ڈویژن سید کمال عابد نے ریسکیو 1122گو جرانوالہ کی کارکردگی اوراحسن طریقے سے کام سرانجام دینے پر ڈسٹرکٹ ایمرجنسی آفیسرمیاں رفعت ضیا اور تمام سٹاف کی کارکردگی پر مکمل اطمینان کا اظہار کیا اورانہیں شاباش دی۔