بیٹی پیدا ہونےکی خوشی میں ٹھیلے والے کا مفت گول گپے کھلانے کا اعلان

بھارتی شہر  بھوپال کے ایک گول گپے فروخت کرنے والے شخص نے بیٹی کے پیدا ہونے کی خوشی میں  علاقہ مکینوں کو مفت میں گول گپےکھلانے کا اعلان کردیا ۔میڈیا رپورٹ کے مطابق بھارتی ریاست بھوپال میں گول گپے فروش نے اپنی بیٹی کی پیدائش اس انوکھے انداز میں منائی کہ لوگ حیرت زدہ رہ گئے، گول گپہ فروش نے اپنی بیٹی کی پیدائش پر 35 سے 40 ہزار مالیت کے گول گپے کھلادئیے، غریب شخص کا یہ جذبہ ایک پیغام بھی ہے کہ بچیوں کو صنفی امتیاز سے بچایا جائے۔نچل گپتا نامی شخص نے بتایا کہ شادی کے بعد میری یہی خواہش رہی کہ بیٹی پیدا ہو، “کیونکہ بیٹی ہے تو کل ہے”، دو سال پہلے مجھے بیٹے سے نوازاگیا ، رواں سال سترہ اگست کا دن سے کے لئے خوشی کا پیغام لایا جب اسے خبر ملی کہ اس کے ہاں بیٹی پیدا ہوئی ہے۔آنچل گپتا نے بتایا کہ کل میرے بیٹے کی دوسری سالگرہ تھی اور میں نے اپنی بیٹی کی پیدائش کا اعلان کرکے بھوپال کے لوگوں کو مفت پانی پوری دینے کا اعلان کیا اور انہیں یہ پیغام دیا کہ بیٹی ہے، کل ہے۔گول گپہ فروش کا کہنا تھا کہ مجھے مفت میں 35 سے 40 ہزار کے گول گپے دینے میں کوئی فرق نہیں پڑتا، کیونکہ بیٹی کی خوشی میرے لئے کسی بھی چیز سے زیادہ اہم ہے، گپتا کی جانب سے مفت گول گپے کے اعلان پر بڑی تعداد میں لوگ ان کی دوکان پر اُمڈ آئے اور مفت میں گول گپے ملنے پر خوش نظر آئے، اس موقع پر کئی افراد نے گپتا کے اس فیصلے کی داد بھی دی۔