متحدہ عرب امارات (یو اے ای) کے سفیر حماد عبید ابراہیم سلیم الزابی کی وفاقی وزیر سائنس و ٹیکنالوجی سینیٹر سید شبلی فراز سے ملاقات

پاکستان میں متحدہ عرب امارات کے سفیر عزت مآب حماد عبید ابراہیم سلیم الزابی نے آج وفاقی وزیر سائنس و ٹیکنالوجی سینیٹر سید شبلی فراز سے ان کے دفتر میں ملاقات کی۔ متحدہ عرب امارات اور پاکستان کے درمیان سائنس اور ٹیکنالوجی کے شعبے میں مختلف تعاون پر تبادلہ خیال کیا گیا۔ پاکستان نیشنل ایکریڈیشن کونسل  اور امارات اتھارٹی فار سٹینڈرڈائزیشن اینڈ میٹرولوجی کے درمیان حلال برآمدات کے حوالے سے مفاہمت کی یادداشت پر جلد دستخط کیے جائیں گے۔ مذکورہ معاہدہ پاکستان سے متحدہ عرب امارات میں حلال مصنوعات کی برآمد کے عمل کو آسان بنائے گا ، اس طرح پاکستانی برآمد کنندگان کو فائدہ ہوگا۔ 
مزید یہ کہ متحدہ عرب امارات کے وزیر صنعت و ترقی ٹیکنالوجی کی جانب سے وفاقی وزیر کو آئندہ دبئی ایکسپو 2020 میں شرکت کی دعوت دی۔ وزیر کو گلوبل مینوفیکچرنگ اینڈ انڈسٹریلائزیشن سمٹ کے چوتھے اجلاس سے خطاب کے لیے مدعو کیا گیا ہے۔ وزیر نے وزیر اعظم عمران خان کی قیادت میں پرجوش شرکت کو یقینی بنایا اور کہا کہ ایک ممتاز عالمی پلیٹ فارم کا حصہ بننا اعزاز کی بات ہوگی۔ 
متحدہ عرب امارات اور پاکستان کے درمیان دو طرفہ تعلقات تاریخی ہیں اور سالوں کے بھائی چارے اور باہمی اعتماد پر مبنی ہیں۔ متحدہ عرب امارات ایک اہم ملک ہے اور پاکستان ان تعلقات کو مزید مستحکم کرنے کا منتظر ہے .وفاقی وزیر سائنس و ٹیکنالوجی سینیٹر سید شبلی فراز نے کہا۔ وزیر نے مزید کہا کہ معاشی مواقع پیدا کرنا وقت کی اہم ضرورت ہے ۔  سفیر نے  مزید کہا کہ مستقبل میں بھی سائنس اور ٹیکنالوجی کے شعبے میں تعاون کو یقینی بنایا جائے گا۔