ملک بھر میں قرآن پرنٹنگ اینڈ ریکارڈنگ رولز بنائے جائیں: قدرت اللہ 

لاہور( خصوصی نامہ نگار )قرآن پبلشرز ایسوسی ایشن آف پاکستان کے صدر قدرت اللہ ، چیئرمین سید احسن محمود شاہ ،سرپرست اعلیٰ حفیظ البرکات شاہ نے کہا کہ پاکستان کے چاروں صوبوں میں قرآن بورڈ کاقیام عمل میں لایا جائے اور قرآن پرنٹنگ اینڈ ریکارڈنگ رولز بنائے جائیں۔قرآن مجید کی طباعت واشاعت کے معیار کو بہتر بنانے اور شہید قرآنی اوراق کی حفاظت کےلئے قرآن بورڈ کاقیام اور قرآن پرنٹنگ اینڈ ریکارڈنگ رولز کااجرا بے حد ضروری ہے۔ قرآن مجید اللہ تعالیٰ کی بابرکت کتاب ہے ہم اس کاجتنا ادب کریں گے ، اس کی طباعت واشاعت جتنی عمدہ وخوبصورت کریں گے اور شہید مقدس اوراق کی حفاظت کےلئے جتنے موثر اقدامات کریں گے اللہ ہم پر اتنی ہی زیادہ اپنی رحمتیں اور برکتیں نازل فرمائے گا اور کامیابی وکامرانی ہمارے قدم چومے گی۔