لاثانی فارما کی جعلی ادویات ڈبیاں چھاپتے ملزم گرفتار ، سامان برآمد 

لاہور (نامہ نگار) مشہورو معروف برانڈلاثانی فارما کی جعلی ادویات کی ڈبیاں چھاپتے ہوئے ملزم گرفتار اور سامان برآمد کرلیا۔ اطلاعات کے مطابق لاثانی فارما کے ایک نمائندے کو خفیہ اطلاع ملی کہ رائل پارک کے ایک پرنٹنگ پریس میں لاثانی فارما کی جعلی ڈبیاں چھاپی جا رہی ہیں جس پر انہوں نے فوری طور پر 15 پر اطلاع دی جس کے بعد قلعہ گجر سنگھ پولیس کی نفری جس کی قیادت سب انسپکٹر رحمت کر رہے تھے اور لاثانی فارما کے نمائندگان نے کارروائی کرتے ہوئے لاثانی فارما کی جعلی ڈبیاں چھپاتے ہوئے ملزم کو رنگے ہاتھوں گرفتار کیا جہاں موقع پر ملزم نے اقرار جرم بھی کیا اور جعلی ڈبیوں سے متعلق پرنٹنگ کا سارا سامان بھی برآمد کروایا جنہیں پولیس نے اپنی تحویل میں لے لیا لیکن اقبال جرم ثبوتوں اور برآمدگی کے باوجود پولیس نے ملزم کو فرار کروا دیا اور تاحال مقدمہ بھی درج نہیں کیا۔ پوچھے جانے پر پولیس اب حیلے بہانے سے کام لے رہی ہے۔