ملتان (سپورٹس ڈیسک) ایشیا کپ کی فاتح سری لنکا کرکٹ ٹیم کا وطن پہنچنے پر شاندار استقبال کیا گیا۔سری لنکا کرکٹ نے اپنے آفیشل ٹوئٹر اکاونٹ پر ٹیم کے شاندار استقبال کی تصاویر شیئر کی ہیں،سری لنکا کرکٹ ٹیم نے کولمبو کی سڑکوں پر ہونے والی وکٹری پریڈ میں حصہ لیا۔ فاتح ٹیم کے کپتان کھلاڑیوں سمیت ٹرافی تھامے بس پر سوار تھے، کرکٹ فینز نے ٹیم کے حق میں نعرے لگائے اور تصاویر بنائیں۔واضح رہے کہ دبئی میں کھیلے جانے والے ایشیا کپ کے فائنل میں سری لنکا نے پاکستان کو شکست دی۔