گن اینڈ کنٹری کلب کیس، امید ہے اگلا بینچ مقدمے کو انجوائے کرے گا: چیف جسٹس

اسلام آباد (نوائے وقت رپورٹ) سپریم کورٹ میں گن اینڈ کنٹری کلب کیس کی سماعت کے دوران چیف جسٹس عمر عطا بندیال نے دلچسپ ریمارکس دیتے ہوئے کہا ہے کہ امید ہے اگلا بنچ کیس کو انجوائے کرے گا۔گن اینڈ کنٹری کلب کیس کی سماعت چیف جسٹس عمر عطا بندیال کی سربراہی میں سپریم کورٹ کے تین رکنی بنچ نے کی تاہم فریقین کے وکیل کی استدعا پر سماعت بغیر کسی کارروائی کے ملتوی ہو گئی۔کیس کی سماعت کے دوران چیف جسٹس نے ریمارکس دئیے کیا باقی وکلا کو اطلاع نہیں ہوئی تھی، ہم آپ کو گڈ ٹو سی یو کہتے ہیں۔جسٹس عمر عطا بندیال نے مزید کہا کہ یہ کیس بہت دلچسپ تھا، اب یہ کیس نیا بنچ سنے گا، ضروری نہیں کہ انسان جو چاہے اس کی وہ خواہش پوری ہو، امید ہے اگلا بنچ اس کیس کو انجوائے کرے گا۔