لاہور(خبرنگار)کمشنر لاہور نے کہا 12 ٹریفک چوکنگ پوائنٹس پر ٹریفک روانی کیلئے کیمپس قائم ہونگے۔ کیمپس کے اوقات مقرر ہونگے۔ شہر میں ٹریفک روانی کیلئے مختلف چوکنگ پوائنٹس پر کیمپس لگا کر انٹروینشنز کی جائیں گی۔ ٹریفک پولیس اور ایم سی ایل کے تحت کیمپس قائم ہونگے۔جس میں انٹروینشنز پیچ ورک،یوٹرن کلوز، لین مارکنگ، تجاوزات خاتمہ، پارکنگ ڈسپلن، چالان اور مستقل نگرانی شامل ہیں۔ کمشنر لاہور کی زیر صدارت ٹریفک روانی کیلئے کوآرڈینیشن کمیٹی کا ہفتہ وار اجلاس ہوا۔جس میں لاہور شہر میں محکموں کی مشترکہ مشاورت سے پہلے مرحلے کیلئے شناخت کردہ 16 ٹریفک چوکنگ پوائنٹس کا تفصیلاً جائزہ لیا گیا۔