کوئٹہ (نوائے وقت رپورٹ) مستونگ کے علاقے درینگڑھ میں فائرنگ سے دو لیویز اہلکاروں سمیت تین افراد جاں بحق ہوگئے۔ لیویز حکام کے مطابق فائرنگ سے لیویز کے دو اہلکاروں سمیت چار افراد زخمی بھی ہوئے، جنہیں ہسپتال منتقل کردیا گیا۔ حکام کے مطابق ایک شخص کی رہائی کیلئے احتجاج کیا جا رہا تھا۔ روڈ کھلوانے کیلئے جانے والی لیویز ٹیم پر مظاہرین نے فائرنگ کردی۔ واقعہ کے بعد علاقے میں کشیدگی برقرار ہے، تاہم مظاہرین کو منتشر کردیا گیا۔ ادھر قلات کے علاقے تخت چوہان میں گاڑی کے قریب دھماکہ سے 8 اہلکار زخمی ہو گئے، ہسپتال منتقل کر دیا گیا۔