لاکھوں کی وارداتیں، کالا شاہ کاکو میں ڈاکو ہلاک 

  لاہور ؍ فیروز والہ ( سٹاف رپورٹر+ نامہ نگار)چوری و ڈکیتی کی متعدد وارداتوں میں شہریوں سے لاکھوں روپے مالیت کی نقدی، طلائی زیورات، موبائل فون، موٹر سائیکلوں اور گاڑیوں سمیت اور دیگر سامان لوٹ لیا گیا۔ تفصیلات کے مطابق اسلام پورہ میں شاہنواز سے 2لاکھ اور موبائل فون۔سندر میں حبیب سے 2لاکھ روپے اور موبائل فون،سول لائنز میں نوید سے 1 لاکھ 80 ہزار روپے اور موبائل فون،ساندہ میں ندیم سے ایک لاکھ 65 ہزار روپے اور موبائل فون،مصری شاہ میں الطاف سے1 لاکھ 50 ہزار روپے اور موبائل فون,گرین ٹاون میں اویس سے 1لاکھ40 ہزار نقدی اور موبائل فون،ہنجروال میں وقار سے 80ہزار روپے موبائل فون اور دیگر سامان لوٹ لیا گیا۔مناواں اور شیراکوٹ سے گاڑیاں جبکہ مستی گیٹ جوہر ٹاون اور ماڈل ٹاون سے موٹرسائیکلیں چوری ہو گئیں۔دریں اثناء  فیروزوالہ میں  جی ٹی روڈ پر کالا شاہ کاکو  کے قریب ڈکیتی کی واردات کے دوران فائرنگ  سے ڈاکو  ہلاک ہو گیا ایس اے گارڈن کا  زوار حسین  بیوی کے ساتھ موٹر سائیکل پر  جا رہا تھا دو موٹرسائیکل سوار دوڈاکوؤں نے 90 ہزار روپے اور موبائل چھین لیا زوار حسین نے ایک ڈاکو کو  پکڑ لیا اس دوران ڈاکو کے ساتھی نے اپنے ساتھی کو چھڑوانے  کے لیے فائرنگ کی  فائرنگ کر دی جس  کی زد میں ا کر اس کا اپنا ساتھی  ڈاکو عامر علی 27 سالہ ہلاک ہو گیا۔