بھوئے آصل (نامہ نگار )المصطفیٰ ویلفیئر سوسائٹی ( پیماراوتاڑ) تحصیل کوٹ رادھاکشن ‘ مرکزی انجمن تاجران کی طرف سے آپ ؐکی ولادت باسعادت کے سلسلہ میں تحصیل ہسپتال کوٹ رادھاکشن میں پندرہ مریضوں کو ’’عید میلاد گفٹ ‘‘ پھل و پھولوں کے گلدستے پیش کئے گئے ، قبل ازیں اس حوالہ سے تقریب کا انعقاد کیا گیا جس سے خطاب کرتے مرکزی انجمن تاجران کے صدر ملک غلام محی الدین اجمل ، مصطفائی تحریک لاہور ڈویژن کے پریس سیکرٹری ڈاکٹر امتیاز سجاد اور ایم ایس تحصیل ہسپتال ڈاکٹراسداللہ نے کہا کہ دکھی انسانیت کی خدمت بارگاہ الٰہی میں مقبول عمل ہے ۔ المصطفیٰ ویلفیئر سوسائٹی پیماراوتاڑ تحصیل کوٹ رادھاکشن کی سماجی خدمات قابل قدر ہیں ہمیں ان کا دست وبازو بننا چاہے تاکہ خدمت انسانیت کا یہ سفر جاری وساری رہے ، بعد ازاں شادابی پاکستان مہم کے سلسلے میں ہسپتال میں پودے لگا کر شجر کاری بھی کی گئی ، تقریب میں چوہدری رضا محمد، ڈاکٹر صابر علی میراں ، میاں محمد اسحاق آٹا والے ، مہرمحمدخالد، جاوید احمد ساقی ، ملک محمد سرور ، ملک محمد اسلم زاھد ، مولوی نذیرایدھی ، مہرثناء اللہ نے شرکت کی اور مریضوں میں عید میلاد گفٹ تقسیم کئے۔