فتح جنگ، عید میلاد النبی شان وشوکت کے ساتھ منانے کی تیاریاں عروج پر

  فتح جنگ(عدیل افضل خان)فتح جنگ شہر میں جشن عید میلاد النبی شان وشوکت کے ساتھ منانے کی تیاریاں عروج پر پہنچ گئیں شہر بھر میں بڑی عمارتوں کو رنگ برنگے قمقموں سے سجادیا گیا ہے خوبصورت کل10ربیع الاول15ستمبر بروز اتوار بعداز نماز مغرب مرکزی میلاد کمیٹی فتح جنگ غربی کے زیر اہتمام دربار عالیہ پیر سید احمد شاہ ہمدانی سیالوی میں میلاد مصطفی کا جشن منایا جائے گاجس میں غربی شہرفتح جنگ کی  ثناخوان پارٹیا ں حضو ر کی شان میں مداح سرائی کریں گی 12ربیع الاول 17ستمبربروز منگل صبح8.30بجے مرکزی میلاد کمیٹی غربی کا جلوس سرپرست اعلی مرکزی میلاد کمیٹی غربی پیر سید قاسم شاہ ہمدانی سیالوی سرپرست میلاد کمیٹی غربی سردار مختیار احمد خان ،صدر میلادکمیٹی غربی سردار مظہر علی خان،ساںق چیئرمین بلدیہ ملک عابد داد ،جنرل سیکرٹری پروفیسر اشتیاق علی ندیم کی قیادت میں اٹک روڈ ایوب خان کے سٹیج سے شروع ہوکر مرکزی اسٹیج دربار عالیہ پیر سید احمد شاہ سے ہوتا ہوا چاندنی چوک کوہاٹ روڈ سے گزر کر کھوڑ روڈ مسجد المرتضی چوہدری سعید کے اسٹیج پر اختتام پذیر ہوگا جلوس کے دن انتظامیہ کی جانب سے فل پروف سکیورٹی کے انتظامات کیے گئے ہیں۔