پولیس کے شہداء اور غازی ہمارے ہیرو ہیں،سی پی او

 راولپنڈی(اپنے سٹاف رپورٹر سے)غازی کانسٹیبل انعام علی کی پولیس لائنز ہیڈ کوارٹرز آمد، سی پی او سید خالد ہمدانی سے ملاقات کی،سی پی او سید خالد ہمدانی نے غازی کانسٹیبل انعام علی سے بات چیت کی، نیک خواہشات کا اظہار کیا اور تعریفی سرٹیفکیٹ سے نوازا،غازی کانسٹیبل انعام علی تھانہ دھمیال کے علاقہ میں خطرناک ڈاکوئوں کا بہادری سے مقابلہ کرتے ہوئے زخمی ہوگئے تھے، سی پی او سید خالد ہمدانی کا کہنا تھاکہ غازی کانسٹیبل انعام علی نے اپنی جان کی پرواہ کئے بغیر فرض کی ادائیگی کی،پولیس کے شہدا اور غازی ہمارے ہیرو ہیں،عزم و شجاعت کی یہ مثالیں پوری فورس کے لیے مشعل راہ ہیں، آئی جی پنجاب کے ویژن کے مطابق شہدا کی فیملیز اور غازی پولیس افسران کی بہترین ویلفیئر کو یقینی بنایا جا رہا ہے۔