حضرو (نمائندہ نوائے وقت) ڈسٹرکٹ پولیس آفیسر اٹک ڈاکٹر سردار غیاث گل خان کی خصوصی ہدایات پر اٹک خورد پولیس کے ایس ایچ او شہزوز خانزادہ کی زیر نگرانی پولیس کا سماج دشمن عناصر کے خلاف بھرپور کریک ڈاؤن جاری ہے اسی سلسلہ میں تھانہ اٹک خورد پولیس کی ٹیم نے سرچ پارک پکٹ پر ایک موٹر سائیکل سوار کو مشکوک جانتے ہوئے روکا جس نے بعد از دریافت اپنا نام بلال ہدایت ولد ہدایت مسیح سکنہ رنگ روڈ محلہ کرسچن کالونی پشاور بتلایا جس کے موٹرسائیکل کی حسب ضابطہ تلاشی لینے پر 2 کلو چرس اور 2 کلو افیون  برآمد کر لی  اس موقع پر میڈیا سے گفتگو کرتے ہوئے ایس ایچ او تھانہ اٹک خورد شہزوز خانزادہ نے کہا کہ ڈی پی او اٹک کی ہدایت پر تھانہ اٹک خورد پولیس نے علاقے کے کئی بڑے منشیات فروش گرفتار کیے ہیں جبکہ دیگر سماج دشمن عناصر کے خلاف بھی کارروائیاں جاری ہیں۔